ارنا کے مطابق اسلامی جمہوریہ ایران کے دفترخارجہ کے ترجمان اسماعیل بقائی نے لبنان کے مختلف علاقوں پر غاصب صیہونی حکومت کے وسیع حملوں کی سخت مذمت کی ہے جن میں دسیوں عام شہری شہید اور زخمی ہوچکے ہیں۔
انھوں نے غزہ اور غرب اردن میں بے گناہ فلسطینی عوام کی نسل کشی میں شدت کے ساتھ ہی لبنان اور شام کے خلاف غاصب صیہونی حکومت کی مسلسل جارحیت کو بین الاقوامی امن وسلامتی کے لئے حقیقی خطرہ قرار دیا ہے۔
اسماعیل بقائی نے گزشتہ دو مہینے میں صیہونی حکومت کی جانب سے جنگ بندی کی سیکڑوں خلاف ورزیوں کی طرف اشارہ کرتے ہوئے، لبنان کے مختلف علاقوں پر تین دن سے جاری وسیع حملوں کو اس بات کا ثبوت قرار دیا کہ سرکش اور غاصب صیہونی حکومت کسی بھی بین الاقوامی اصول وضوابط کی پابند نہیں ہے۔
انھوں نے اس حوالے سے عالمی برادری بالخصوص اقوام متحدہ کی سلامتی کونسل اور جنگ بندی کے ضامن ملکوں کی ذمہ داری پر زور دیا اور ان جارحیتوں کو روکنے کے لئے فوری طور پر موثر اقدام کا مطالبہ کیا۔
آپ کا تبصرہ